Тақырыбы: «Бар мейріміміз-балаларға»

• admin_atsc
• 02.06.2023
• Жаңалықтар
• Пікір жоқ

Жыл сайынғы дәстүр бойынша Атырау облыстық ЖИТС орталығында қызметкерлердің балаларына мерейлік шара ұйымдастырылды.

Шара барысында ЖИТС орталығының кәсіподақ төрайымы Д.Сарсенғалиев: Бүкіл әлемде 1-ші маусым, балаларды қорғау күні ретінде аталып өтетінін, ескі  халықаралық мейрамдардың бірі болып саналатынын,оны өткізу жөнінде шешім 1949 жылдың қараша айында Халықаралық демократиялық әйелдер федерациясының арнайы сесиясында қабылданғаны, алғашқы халықаралық балаларды қорғау күні 1950 жылы өткізілгені, БҰҰ аталған бастаманы дер кезінде қолдап, балалардың өмірін, құқығын, денсаулығын қорғауды  өз қызметінің басты бағыттарының біріне айналдырғанын атап өтті.

Кәсіподақ мүшесі Ж.Иманғалиева шараға қатысқан қызметкерлердің балаларын төл мерекесімен құттықтай отырып, бұл күні барлық ата-ана кішкентай балақайларға ерекше көңіл бөлетінін, орталықта жыл сайын қызметкерлердің балаларына мерекелік концерт, көңілді ойындар,  флешмобтар мен сурет байқаулары өткізілетінін атап өтті. Аталған күні орталықта қызметкерлердің балаларына сыйлықтар берілді.