Жер кадастры және жылжымайтын мүлікті техникалық тексеру департаментінің қызметкерлерімен кездесу

• admin_atsc
• 31.03.2017
• Жаңалықтар
• Пікір жоқ

2017 жылдың 27 наурызында облыстық ЖИТС орталығының алдын алу бөлімінің меңгерушісі  Елубаева А.С. «Жер кадастры және жылжымайтын мүлікті техникалық тексеру департаменті» қызметкерлерімен  «АИТВ-ның алдын алу» тақырыбында  кездесу өткізді.

Кездесу барысында басты көңіл облыстағы эпидемиологиялық ахуалға, АИТВ/ЖИТС-тің алдын алу шараларына, бүгінгі күнгі өзекті мәселенің бірі – ЖИТС-тің жыныстық таралу жолының көбеюі, салауатты өмір салтын ұстанып, бірлесіп бұл ауруды тоқтатуға болатындығы, қоғамда кемсітушілік пен оқшаулауға жол жоқ екендігі туралы ақпараттарға бөлінді.

АИТВ-ға тегін тексерілуге болатындығы айтылып, қызметкерлер қойған сұрақтарына нақты жауаптар алды.         Кездесуге 60 адам қатысып, видеоролик көрсетіліп ,қатысушыларға оқу-ағарту құралдары таратылды.