ПРЕСС РЕЛИЗ 18 мамыр – ЖИТС-тен көз жұмғандарды еске алу күні

• admin_atsc
• 30.05.2025
• Жаңалықтар
• Пікір жоқ

Қоғамдық және үкіметтік емес ұйымдардың бастамасымен жыл сайын мамырдың үшінші жексенбісінде жұқтырылған иммун тапшылығы  синдромынан (ЖИТС/СПИД) көз жұмғандарды еске алу күні атап өтіледі. Биыл бұл күн 18-мамырға сәйкес келді.

Халықаралық еске алу күнінің басты мақсаты – қоғам назарын адамның иммун тапшылығы вирусы (АИТВ) инфекциясының таралуы және АИТВ жұқтырғандарды әлеуметтік қорғаумәселесіне аудару.

Атырау облысында 2025 жылдың 4 айында АИТВ инфекциясын жұқтырған  34 адам анықталды, 2024жылы 4 айда – 26 адам тіркелген болатын.

«Атырау облыстық АИТВ инфекциясының алдын алу орталығы» мәліметі  бойынша  АИТВ инфекциясын жұқтырған  454  адам диспансерлік есепте тұр. Облыста алғаш  АИТВ анықталған 1993 жылдан  бастап 17 адам  ЖИТС-тен  қайтыс болған.

ХХ ғасырда АИТВ инфекциясы емделмеген жағдайда ЖИТС сатысына ұласып,  дүние жүзінде  көптеген  жандарға қасірет әкелсе, қазіргі таңда уақытында анықталып, заманауи дәрі-дәрмектермен үздіксіз ем алған  адамдардың сапалы ұзақ өмірін сақтап қалуға толық мүмкіндік бар.

Атырау облысы бойынша АИТВ инфекциясына тексерілу тегін, ол үшін облыстық  АИТВ  орталығына немесе жергілікті емханаға барып қан тапсыру (анонимді түрде де болады) қажет.

АИТВ  орталығының сенім телефоны: 21-11-03.

Атырау облыстық ЖИТС пен күрес және алдын алу  орталығының баспасөз қызметі