«Теміржолсу-Ақтөбе» ЖШС қызметкерлері арасында АИТВ инфекциясының алдын алу бойынша ақпараттық-түсіндіру жұмыстары жүргізілді

• admin_atsc
• 30.09.2026
• Жаңалықтар
• Пікір жоқ

«Теміржолсу-Ақтөбе» ЖШС қызметкерлері арасында АИТВ инфекциясының алдын алу бойынша ақпараттық-түсіндіру жұмыстары жүргізілді.

Іс-шараның негізгі мақсаты – қызметкерлердің АИТВ инфекциясы туралы ақпараттану деңгейін арттыру, инфекцияның берілу жолдары мен алдын алу шаралары туралы сенімді ақпарат ұсыну, сондай-ақ өз денсаулығына жауапкершілікпен қарауды қалыптастыру.

Кездесу барысында мамандар АИТВ инфекциясының берілу жолдарына, негізгі қауіп факторларына және инфекциядан қорғану тәсілдеріне кеңінен тоқталды. Қызметкерлерге АИТВ инфекциясының қан арқылы, қорғалмаған жыныстық қатынас кезінде және анадан балаға берілуі мүмкін екендігі түсіндірілді.

Сонымен қатар АИТВ инфекциясының күнделікті тұрмыстық қарым-қатынас кезінде – қол алысу, құшақтасу, ортақ ыдыс пайдалану және бірге жұмыс істеу арқылы берілмейтіні туралы ақпарат берілді. Бұл ретте инфекцияға қатысты қате түсініктер мен стигматизацияның алдын алудың маңыздылығы атап өтілді.

Қатысушыларға АИТВ инфекциясының алдын алуда қауіпсіз мінез-құлық қағидаларын сақтау, өз денсаулығына жауапкершілікпен қарау және уақтылы медициналық тексеруден өтудің маңыздылығы түсіндірілді. Сондай-ақ АИТВ-ға тестілеуден өтудің қолжетімділігі және инфекция ерте анықталған жағдайда медициналық бақылау мен емнің маңызы туралы ақпарат ұсынылды.

Кездесу барысында қызметкерлер өздерін қызықтырған сұрақтарын қойып, мамандардан АИТВ инфекциясының алдын алу, тестілеу және одан қорғану жолдары бойынша толық жауаптар алды.

Осындай ақпараттық-түсіндіру іс-шараларын өткізу қызметкерлердің медициналық сауаттылығын арттыруға, АИТВ инфекциясының алдын алу бойынша білімдерін кеңейтуге және салауатты өмір салтын ұстануға ықпал етеді.